Psa 32 | VulgJ | STEP | psalmus David exultate iusti in Domino rectos decet laudatio laudate iusti Dominum rectos decet laudatio

Psalms 32

1 psalmus David exultate iusti in Domino rectos decet laudatio ^va 2 confitemini Domino in cithara in psalterio decem cordarum psallite illi ^va 3 cantate ei canticum novum bene psallite in vociferatione ^va 4 quia rectum est verbum Domini et omnia opera eius in fide ^va 5 diligit misericordiam et iudicium misericordia Domini plena est terra ^va 6 verbo Domini caeli firmati sunt et spiritu oris eius omnis virtus eorum ^va 7 congregans sicut in utre aquas maris ponens in thesauris abyssos ^va 8 timeat Dominum omnis terra ab eo autem commoveantur omnes inhabitantes orbem ^va 9 quoniam ipse dixit et facta sunt ipse mandavit et creata sunt ^va 10 Dominus dissipat consilia gentium reprobat autem cogitationes populorum et reprobat consilia principum ^va 11 consilium autem Domini in aeternum manet cogitationes cordis eius in generatione et generationem ^va 12 beata gens cuius est Dominus Deus eius populus quem elegit in hereditatem sibi ^va 13 de caelo respexit Dominus vidit omnes filios hominum ^va 14 de praeparato habitaculo suo respexit super omnes qui habitant terram ^va 15 qui finxit singillatim corda eorum qui intellegit omnia opera illorum ^va 16 non salvatur rex per multam virtutem et gigans non salvabitur in multitudine virtutis suae ^va 17 fallax equus ad salutem in abundantia autem virtutis suae non salvabitur ^va 18 ecce oculi Domini super metuentes eum qui sperant super misericordia eius ^va 19 ut eruat a morte animas eorum et alat eos in fame ^va 20 anima nostra sustinet Dominum quoniam adiutor et protector noster est ^va 21 quia in eo laetabitur cor nostrum et in nomine sancto eius speravimus ^va 22 fiat misericordia tua Domine super nos quemadmodum speravimus in te

^va